Господи Иисусе Христе Боже наш, иже двема или трем, согласующимся о имени Твоем, прошения подати обещавый, Сам и ныне прошения нас, недостойных рабов Твоих, просящих Твоея помощи в воссоздании храма в честь Казанского образа Преблагословенныя Владычицы нашея Богородицы, и в нем совершения служб и молений Тебе приносити на всяк день, — молитвами всех святых земли нашея— скоро услыши и исполни. Иже Ты, Господи, искони всяческая созда, буди Сам управителем делу сему, боголюбивых воссоздателей паки сподвигни, благослови, дела рук их направи, и вся потребная к воссозданию храма сего Твоим Божественным Промыслом устрой. Да будет храм сей воссоздан и исполнен благолепия, в нем да прославится Пресвятое и Великолепое имя Твое со Безначальным Твоим Отцем и Пресвятым и Благим и Животворящим Твоим Духом, ныне и присно, и во веки веков. Аминь.